Ўзбекистонликлар йўқ. ОФК йилнинг энг яхшилари бўлиш учун номзодларни эълон қилди

Бугун, 16 октябрь куни Осиё футбол конфедерацияси (ОФК) 2026 йил 19 ноябрь куни Бангкокда бўлиб ўтадиган ОФК тақдирлаш маросими номзодларини эълон қилди. Рўйхатдан ўзбекистонлик футболчилар ўрин олмади.

Қитъа футболининг энг нуфузли тақдирлаш маросимида жами 19 та номинация бўйича ғолиблар аниқланади. Уларнинг асосий қисми йилнинг энг яхши футболчиларига бериладиган мукофотлардан иборат.

ОФКнинг йилнинг энг яхши эркак футболчиси соврини учун Алиризо Бейранванд, Ферас Ал-Бурайкан ва Салим Ал-Давсари кураш олиб боради. Аёллар ўртасида эса Ҳолли Макнамара, Ким Кён Ён ва Ким Хе Ри номзод сифатида кўрсатилган.

Шунингдек, Ли Кан Ин, Аясэ Уэда ва Ҳван Ин Бом ОФКнинг йилнинг энг яхши халқаро футболчиси мукофоти учун даъвогарлик қилмоқда.

Йилнинг энг яхши ёш футболчиси номинациясида япон футболчиси Рюносуке Сато ҳамда унинг ҳамюртлари Маки Китахара ва Рион Ичихара ғолиблик учун курашади.

Маълумот учун, Элдор Шомуродов ва Абдиқодир Ҳусанов ОФКнинг йилнинг энг яхши халқаро футболчиси мукофоти учун номзодлар қаторидан жой олиши мумкин эди. Беҳруз Каримов эса Йилнинг энг яхши ёш футболчиси номинацияси учун курашиш имкониятига эга эди.