Ўзбекистон Тожикистонга жиҳозланган тиббий контейнерлар берди

Жамият 5844
image

Кеча, 7 май куни Ўзбекистон Президенти Шавкат Мирзиёев Тожикистонга инсонпарварлик ёрдами тарзида 144 та мобил тиббий контейнерлар жўнатишга кўрсатма берди, деб хабар бермоқда “ASIA-Plus” нашри.

Контейнерлар бугун, 8 май куни поездда Душанбега етказилган. Бундай контейнерлардан коронавирус пандемияси вақтида мобил шифохона қуришда фойдаланилади.

Контейнерларга каравот (чойшаблари билан), ювиниш учун душ, кондиционер ўрнатилган. Контейнерлар мобил шифохона қуриладиган “Бофанда” стадионига олиб борилади.

Аввалроқ, коронавирусга қарши курашда тажрибага эга бўлган бир гуруҳ ўзбекистонлик шифокорлар Тожикистонга юборилгани ҳақида хабар берган эдик.

Суннатилла Абдуллаев
Мақолага баҳо беринг
Баҳолаганлар: 240
Рейтинг: 2.9
t
×