Тошкентдаги янги қурилаётган бинода ёнғин чиқди (видео)
3-саҳифа
−
18:20 524 1 дақиқа
Бугун, 2 ноябрь куни Тошкент шаҳрининг Олмазор туманида қурилаётган бинода ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар берди.
Қайд этилишича, соат 13:53 да Янги Олмазор кўчасида жойлашган янги қурилаётган бинодан қора тутун чиқаётгани ҳақида хабар келиб тушган. Воқеа жойига зудлик билан етиб борган қутқарув экипажлари ёнғинни соат 14:00 да тўлиқ бартараф этган.
Аниқланишича, ёнғин оқибатида бинонинг ташқи пойдевор қисмини қоплаш учун ишлатилаётган полизол материали ёниб, зарарланган.
Билдирилишича, ҳодиса натижасида жабрланганлар йўқ.
Эслатиб ўтамиз, аввалроқ Навоий вилоятининг Қизилтепа туманидаги кафеда ёнғин содир бўлгани ҳақида хабар берилган эди.
Live
Барчаси01 Ноябрь
