Шомуродов майдонга тушган ўйинда “Милан” “Рома”ни таслим этди

Спорт 3103
image

Кеча, 6 январь куни “Милан” Италия А серияси 20-тури доирасида “Рома”ни қабул қилди ва 3:1 ҳисобидаги ишончли ғалабани қўлга киритди.

Биринчи бўлимда миланликлар икки бор рақиб дарвозасини ишғол қилишди. 8-дақиқада Оливье Жиру пенальтидан ҳисобни очган бўлса, 17-дақиқага келиб, Жуниор Мессиас рақиб ҳимоячиларининг қўпол хатосидан сўнг, орадаги фарқни иккитага оширди. 45-дақиқада эса “Рома” битта гол уришга муваффақ бўлди. Ушбу вазиятда Тэмми Абрахам ҳисобни қисқартирди.

Учрашувнинг иккинчи таймида “россонерилар” футболчиси Рафаэль Леау учрашувга якуний нуқтани ўрнатди. Унга қадар эса бир неча марта дарвоза тўсини голга тўсқинлик қилган эди. “Рома” эса бор-йўғи икки марта рақиб дарвозаси томон хавфли ҳужум уюштирди.

Ўйин асосий вақтига қўшиб берилган 4-дақиқада Златан Ибрагимович (Милан) пенальтини голга айлантира олмади.

Қайд этиш жоиз, ўзбекистонлик Элдор Шомуродов 76-дақиқада Абрахам ўрнига майдонга тушди. Бироқ голли вазиятларда деярли иштирок этмади. Шунингдек, “Рома”нинг икки нафар футболчиси қизил карточка олиб, майдонни тарк этди.

“Милан” 3:1 “Рома”

Голлар: Жиру, 8 (пенальти), Мессиас, 17, Леау, 82 - Абраҳам, 41.

“Милан”: Меньян, Флорензи (Конти, 78), Калулу, Габбия, Эрнандес, Тонали, Крунич (Бакайоко, 64), Салемакерс (Леау, 64), Диас (Мальдини, 88), Мессиас, Жиру (Ибрагимович, 78).

“Рома”: Патрисиу, Манчини, Смоллинг, Ибанес, Карсдорп, Мхитарян, Верету (Афена-Гянь, 71), Пеллегрини (Эл-Шаарави, 71), Вина (Кристанте, 71), Заниоло (Перес, 85), Абрахам (Шомуродов, 76).

Четлатишлар: Карсдорп, 74, Манчини, 90+3.

Ҳумоюн Орипов
Мақолага баҳо беринг
Баҳолаганлар: 41
Рейтинг: 3
t
×