“Реал” Винисиусга ўзини кўрсатиши учун муҳлат берди – ОАВ

“Реал Мадрид” қанот ҳужумчиси Винисиус Жуниорга тўлиқ жисмоний ҳолатига қайтиши, ўзини кўрсатиши ва бош мураббий Жозе Моуриньонинг талабларига мослашиши учун бир ой муҳлат берди. Акс ҳолда, футболчи Мадрид клубининг доимий равишда захира ўриндиғида қолиб кетиши мумкин. Бу ҳақда “El Debate” нашри хабар берди.

Манбага кўра, “Реал Мадрид” Винисиуснинг жисмоний ҳолатини таҳлил қилмоқда. Футболчининг ўзи ҳам дуч келган қийинчиликларидан хабардор ва энг яхши формасига қайтишга қатъий бел боғлаган.

Моуриньо футболчига ёрдам бериш учун қўлидан келган барча ишни қилмоқда. Бироқ мураббий жамоа манфаатлари ҳар доим биринчи ўринда туришини алоҳида таъкидлаган.

Мадрид клубининг декабрь ойида Ла Лига доирасида “Атлетик Бильбао” ва Чемпионлар лигасида “Арсенал”га қарши ўйинлари Винисиус учун муҳим аҳамият касб этиши айтилмоқда.

Маълумот учун, бразилиялик футболчи жорий мавсумда “Реал” сафида барча мусобақаларда 12 та учрашувда майдонга тушиб, 1 та гол ва 3 та голли узатма муаллифи бўлган.