“Реал” футболчилари “Валенсия” билан ўйинда хавфсизлик ходимлари билан жанжаллашди

Испания чемпионатининг 12-туридан ўрин олган “Валенсия”га қарши учрашувнинг танаффусида “Реал Мадрид” футболчилари Жуд Беллингем ва Антонио Рюдигер хавфсизлик ходимлари билан жанжаллашди. Бу ҳақда AS нашри хабар берди.

Жорий йилнинг 7 ноябрь куни “Месталья” стадионида бўлиб ўтган учрашув 3:0 ҳисобида “Реал Мадрид” фойдасига якунланди.

Манбага кўра, биринчи бўлимдан сўнг стадионнинг туннель қисмида жанжал келиб чиққан. Беллингем хавфсизлик ходимларидан бирини муштлаган, Рюдигер эса бошқасига тарсаки туширган. Хабар қилинишича, можарога Беллингем ва “Реал Мадрид” ҳимоячиси Эдер Милитаонинг “Валенсия” футболчиларига нисбатан ҳақоратли сўзлар ишлатгани сабаб бўлган бўлиши мумкин.

“Marca” нашрининг хабар беришича, бош ҳакам учрашувдан кейинги расмий ҳисоботида ушбу воқеа тафсилотларини қайд этмаган. Бироқ у “Валенсия” спорт директори Браулио Васкеснинг қоидабузарлик туфайли ёрдамчиси билан юз берган можароли ҳаракатларини ҳисоботга киритган.

Маълумот учун, Ла Лига 12-туридан сўнг Каталониянинг “Барселона” жамоаси 33 очко билан турнир жадвалида етакчилик қилмоқда. Уларнинг энг яқин таъқибчиси “Реал Мадрид” эса 30 очко билан иккинчи ўринни эгаллаб турибди.