“Omicron”нинг ноодатий аломати маълум бўлди

Саломатлик 38254
image
-

Коронавируснинг “omicron” штамми билан касалланган болаларда “ноодатий” тошма пайдо бўлиши мумкин. Бу ҳақда британиялик шифокор Девид Ллойд “Sky News” телеканалига берган интервюсида айтиб ўтди.

Мутахассиснинг таъкидлшича, “omicron” билан касалланган болаларда катталарга нисбатан симптомларда баъзи фарқлар мавжуд. 

“Чарчоқ, бош оғриғи ва иштаҳани йўқотиш каби нарсалар жуда муҳимдек кўринади, худди тошма каби”, деган у.

Ллойднинг таъкидлашича, COVID-19 билан касалланган беморларнинг кичик гуруҳида доимо тошмалар бўлган, аммо унинг сўзларига кўра, “omicron”га чалинган 15 фоизигача болаларда тошма, ғайриоддий тошма пайдо бўлади”.

Ллойднинг қўшимча қилишича, шифокорлар аста-секин вируснинг ушбу штамми ҳақида кўпроқ маълумотга эга бўлмоқда. 

“Умид қиламизки, бу вариант “дельта” каби ҳалокатли эмас ва биз бунга дош бера оламиз. Лекин вазият хавотирли”, дея хулоса қилган мутахассис.

Эслатиб ўтамиз, коронавируснинг янги B.1.1.529 штамми илк бор Ботсванада 11 ноябр куни аниқланган эди. Шундан сўнг ЖАР, Гонконг ва бошқа давлатларга тарқалди. Бугунги кунда “omicron” 27 та давлат ҳудудида аниқланган.

Унинг асосий хусусияти – ўта юқумли ва инсоннинг касал бўлиб тузалиш ва вакциналаш орқали орттирган иммунитетига чап бериб ўта олади. ЖССТ янги штаммни “хавотирли” деб тан олиб унга грек алифбосининг 15-ҳарфи – “omicron” номини берган эди.

Аввалроқ Жанубий Кореяда яшовчи Ўзбекистон фуқароси ва унинг оила аъзолари коронавируснинг "omicron" штаммига чалингани ҳақида хабар берган эдик. Сўнгги маълумотларга кўра, "omicron" Россияга ҳам кириб келди.

Маълумот учун, Американинг Johnson & Johnson (J&J) компанияси “omicron”га қарши вакцина яратиш устида иш бошлагани ҳақида хабар берган эдик.

Суннатилла Абдуллаев
Мақолага баҳо беринг
Баҳолаганлар: 1594
Рейтинг: 3
Теглар
t
×