ОЧЛ. ОКМК меҳмон жамоага имкониятни бой берди
Спорт
−
02 Октябрь 2023 3597 1 дақиқа
Бугун, 2 октябрь куни футбол бўйича Осиё Чемпионлар лигасининг гуруҳ босқичи 2-тури доирасида ОКМК ва “Эйр-Форс” жамоалари ўзаро тўқнаш келди.
Миржалол Қосимов бошчилигидаги Олмалиқ клуби уйида ўтган ўйиннинг 2-дақиқасидаёқ гол ўтказиб юборди. Али Жасим ушрашувда ҳисобни очди. Биринчи бўлим 0:1 ҳисоби билан якунланди.
Иккинчи бўлимда ҳам тезкор гол қайд этилди. Баҳснинг 48-дақиқасида Санжар Турсунов зиёнга ишлади ва ўз дарвозасига автогол уриб қўйди. 81-дақиқада эса Сияваш Ҳақназарий ҳисобни қисқартирди. Қолган дақиқаларда ҳисоб ўзгармагани эвазига “Эйр-Форс” меҳмонда ғалаба қозонди.
Эслатиб ўтамиз, 18 сентябрь куни футбол бўйича Осиё Чемпионлар лигасининг (ОЧЛ) гуруҳ босқичи доирасида ташкил этилган ўйинда Жидданинг “Ал-Иттиҳод” жамоаси ОКМК устидан 3:0 ҳисобида ғалаба қозонган эди.
Live
Барчаси
