OCHL. OKMK mehmon jamoaga imkoniyatni boy berdi
Sport
−
02 Oktabr 2023 3596 1 daqiqa
Bugun, 2 oktyabr kuni futbol bo‘yicha Osiyo Chempionlar ligasining guruh bosqichi 2-turi doirasida OKMK va “Eyr-Fors” jamoalari o‘zaro to‘qnash keldi.
Mirjalol Qosimov boshchiligidagi Olmaliq klubi uyida o‘tgan o‘yinning 2-daqiqasidayoq gol o‘tkazib yubordi. Ali Jasim ushrashuvda hisobni ochdi. Birinchi bo‘lim 0:1 hisobi bilan yakunlandi.
Ikkinchi bo‘limda ham tezkor gol qayd etildi. Bahsning 48-daqiqasida Sanjar Tursunov ziyonga ishladi va o‘z darvozasiga avtogol urib qo‘ydi. 81-daqiqada esa Siyavash Haqnazariy hisobni qisqartirdi. Qolgan daqiqalarda hisob o‘zgarmagani evaziga “Eyr-Fors” mehmonda g‘alaba qozondi.
Eslatib o‘tamiz, 18 sentyabr kuni futbol bo‘yicha Osiyo Chempionlar ligasining (OCHL) guruh bosqichi doirasida tashkil etilgan o‘yinda Jiddaning “Al-Ittihod” jamoasi OKMK ustidan 3:0 hisobida g‘alaba qozongan edi.
Live
Barchasi
