Норвегияда ҳам Pfizer билан эмланган икки киши вафот этди

Олам 1818
image

Кеча, 5 январь куни Норвегияда BioNTech ва Pfizer ишлаб чиқарган вакцина билан эмланган икки киши вафот этди. Ҳозир мамлакатдаги тиббиёт ташкилотлари эмлаш билан ушбу фожиалар ўртасида боғлиқлик бор-йўқлигини текширмоқда. 

Норвегия Тиббиёт агентлиги ва Норвегия Жамият саломатлигини сақлаш институтининг маълум қилишича, мутахассислар BioNTech ва Pfizer ишлаб чиқарган вакцина билан эмланганидан сўнг, қариялар уйида вафот этган икки ҳолатни диққат билан ўрганмоқда.

“Ҳозир жиддий касаллиги бўлган, энг заиф беморлар эмланмоқда. Айни вақтда эмлаш ўлимга сабаб бўлганми ёки бу тасодифми, шуни аниқлашимиз керак”, дейди Норвегия Тиббиёт агентлиги директори Стейнар Мадсен.

Эслатиб ўтамиз, Исроилда ҳам икки нафар бемор айнан Pfizer вакцинаси билан эмланганидан сўнг вафот этган.

Фаррухжон Муродқулов
Мақолага баҳо беринг
Баҳолаганлар: 68
Рейтинг: 2.9
t
×