НАТО шарқий қанотда янги мудофаа архитектураси тайёрламоқда

Шимолий Атлантика альянсига Финляндияни қўшилиши билан ўзгарган шарқий қанотда янги мудофаа ва тўсиқ архитектурасини тайёрламоқда. Бу ҳақда бугун, 7 апрель куни альянс Бош котиби ўринбосари Мирча Жоана Руминия жанубида жойлашган Краёва шаҳридаги “Жануб – Шарқ” кўп миллатли бригадасига ташрифи чоғида айтиб ўтди.

Унинг айтишича, Шимолий Атлантика альянси шарқий қанотида Польша, Португалия, Шимолий Македониядан келган иттифоқчиларни Руминия ҳарбийлари билан машғулот ўтказмоқда. Бу орқали улар НАТО томонидан ҳозирда ривожлантирилаётган янги мудофаа архитектурасининг бир қисмига айланмоқда. 

“Бу Европа тарихидаги муҳим воқеа. Бу биз Украинани қўллаб-қувватлашни давом эттиришимиз, шунингдек, Финляндия ва тез орада Швециянинг қўшилиши билан анча ўзгарган шарқий қанотда мудофаа ва тўсиқни кучайтиришимиз керак бўлган пайт. Бу Баренцдан Болтиқ денгизи, Қора денгиз, Дунай ва Ўрта эр денгизигача бўлган шарқий қанот бўлади”, деган Мирча Жоана.

Альянс Бош котиби ўринбосарининг таъкидлашича, НАТО ҳозирда иттифоқчи давлатлар хавфсизлиги учун таҳдид кўрмаяпти. Бунга қарамасдан, у Россия олдиндан башорат қилиб бўлмайдиган хавфли давлат бўлиб қолаётганини таъкидлаган.