“Нархоз” талабалари “озодликка” чиқди

Категориялар 6067
image

Tошкент давлат иқтисодиёт университети жорий йилнинг 25 ноябридан бошлаб беш кунлик таълим тизимига ўтади. Бу ҳақда “Халқ сўзи” хабар берди.

Халқ тилида “Нархоз” дея ном чиқарган университетда эндиликда талабалар душанба-жума кунлари ўқишга боради. Шанба ва якшанба кунлари дам олиш куни бўлади.

Бундан ташқари, университетда мавжуд бўлган қатъий форма ҳам бекор қилинган. Эндиликда университет талабаси исталган кийимда ўқишга келиши ва дарсларда иштирок этиши мумкин.

Эслатиб ўтамиз, 5 ноябрь куни Тошкент давлат иқтисодиёт университети ректори Баҳодир Ходиев лавозимидан озод этилиб, унинг ўрнига Олий ва ўрта махсус таълим вазирининг биринчи ўринбосари Конгратбой Авезимбетович Шарипов Тошкент давлат иқтисодиёт университети ректори лавозимига тайинланган эди.

Шаҳноза Тўрамуротова

.
Мақолага баҳо беринг
Баҳолаганлар: 169
Рейтинг: 3
Теглар
t
×
×