Бугун “Насаф” Осиё Чемпионлар лигасида майдонга тушади
Sport
−
10:45 704 1 minute
Бугун, 4 ноябрь куни Қаршининг “Насаф” жамоаси Осиё Чемпионлар лигаси 2 мусобақасининг 4-тури доирасида сафарда Қувайтнинг “Кувайт СК” клубига қарши баҳс олиб боради.
Учрашувни туркманистонлик ҳакам Расул Маммедов бошқариб боради. Унга қанотларда ҳамюртлари Аҳмад Бегназаров ва Мерген Аллабердиев ёрдам беради. Баҳс Тошкент вақти билан соат 21:00 да бошланади.
Жамоалар шу кунга қадар ўзаро беш марта тўқнаш келган. Ушбу учрашувларнинг бирида “Насаф” ғалаба қозонган бўлса, икки баҳсда қувайтликлар устун келган. Қолган икки ўйинда дуранг қайд этилган.
Маълумот учун, “Насаф” Осиё чемпионлар лигаси 2 мусобақасининг “А” гуруҳида уч турдан сўнг 1 очко билан учинчи ўринда бормоқда. “Кувайт СК” эса 6 очко жамғарган ҳолда гуруҳ пешқадами бўлиб турибди.
