Медведев Украинада уруш қачон тугашини айтди

Олам

image
0:00
0:00
download

Россия Қуролли Кучларининг Украинага қарши ҳужуми доирасида белгиланган режалар тўлиқ ҳажмда амалга оширилади ва Ғарбнинг Россияга қарши санкциялари бу вазиятда ҳеч нарсани ўзгартирмайди. Бу ҳақда Россия Федерацияси Хавфсизлик кенгаши раиси ўринбосари Дмитрий Медведев ўзининг “ВКонтакте” ижтимоий тармоғидаги саҳифасида маълум қилди. 

Медведевга кўра, аввалроқ Ғарб давлатлари Россия Хавфсизлик кенгаши аьзоларига қарши санкциялар жорий этган. 

“Бу ажойиб тақиқлар, албатта, ҳеч нарсани ўзгартирмайди. Бу ҳатто Давлат департаментидаги нодон одамларга ҳам тушунарли. Жумладан, Донбассни ҳимоя қилиш учун ҳарбий операция ўтказиш тўғрисидаги қарор. Бу Россия Президенти айтган барча натижаларга эришилгунга қадар тўлиқ ҳажмда амалга оширилади. Кўп ҳам, кам ҳам эмас. Айтганча, 2008 йилда ҳам худди шундай вазият бўлган эди”, деб ёзади у ўз хабарида. 

Медведев шунингдек, Ғарб санкциялари бу ҳолатда афсона, уйдирма ва гап бўлиб қолгани барча фикрлайдиган одамларга аён эканини таъкидлаб, улар унга бефарқ эканини қўшимча қилган.

Россиянинг Украинага босқини

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарадаги тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бунинг ортидан Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирди. Кўп ўтмай Президент Россия билан дипломатик алоқани узди.

Рус қўшинлари дастлаб Киев ва Харьковга ракета ҳужуми уюштирди. Президент Зеленский мамлакатда ҳарбий ҳолат эълон қилди. Шунингдек, расмий идора рус қўшинлари Харьков ва Одесса вилоятига кириб борганини билдирди.

Ҳужум бошланганидан кўп ўтмай, ЛХР Ички ишлар вазири маслаҳатчиси Виталий Киселев Счастье ва Станица шаҳарчалари ЛХР назоратига ўтганини эълон қилди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.


Мақола муаллифи

Теглар

Россия-Украина уруши Украинага босқин

Баҳолаганлар

1622

Рейтинг

3.1

Мақолага баҳо беринг

Дўстларингиз билан улашинг