Кўнгиллининг ўлимига Хитой вакцинаси сабаб бўлмагани айтилди

Олам 3856
image

Аввалроқ, Бразилияда Хитойнинг “Коронавак” вакцинасининг клиник синовлари ўта кўнгилсиз ҳодисадан кейин тўхтатиб қўйилгани ҳақида хабар бергандик. 

Бунга клиник синовлар пайтида кўнгиллилардан бири вафот этгани сабаб бўлганди. 

Кейинчалик, кўнгиллилардан бирининг ўлимига вакцина сабаб бўлмагани айтилди. Бу ҳақда Хитой ташқи ишлар вазирлиги расмий вакили Ван Вэньбинь маълум қилган. 

“Биз хабарга эътибор қаратдик. Ушбу ҳодисанинг вакцинага ҳеч қандай алоқаси йўқ”, деган Ван Вэньбинь.

Дипломатнинг сўзларига кўра, вакцинани ишлаб чиқарувчи компания “ушбу масала бўйича Бразилия томони билан мунтазам мулоқотда бўлиб турибди”.

Синовларни назорат қилаётган Бутантан институти раҳбари Димас Ковас ҳам кўнгиллининг ўлими ушбу вакцина синовлари билан боғланмаганини айтганди. 

Қайд этилишича, Хитойнинг “Коронавак” вакцинаси клиник синови Туркия ва Индонезияда ҳам ўтказиляпти. Аммо у ерда синовлар тўхтатилгани ҳақида ҳеч қандай маълумот йўқ.

Рушана Султонова
Мақолага баҳо беринг
Баҳолаганлар: 151
Рейтинг: 2.9
Теглар
t
×