Қишлоқ хўжалиги вазирига янги ўринбосар тайинланди
Жамият
−
26 Февраль 2021 5020
Каҳрамон Анваржонович Йўлдошев Ўзбекистон Республикаси Қишлоқ хўжалиги вазирининг Аграр соҳани жадал рақамлаштириш, қишлоқ хўжалиги ва озиқ-овқат хавфсизлиги соҳаларига замонавий ахборот тизимлари ва дастурий маҳсулотларни жорий этиш масалалари бўйича ўринбосари лавозимига тайинланди. Бу ҳақда вазирлик матбуот хизмати маълум қилди.
Каҳрамон Йўлдошев 1972 йилда Тошкент шаҳрида туғилган. 2007 йилда Тошкент ахборот технологиялари университетини тугаллаган.
2018 йилдан буён Ахборот технологиялари ва коммуникацияларини ривожлантириш вазирининг ўринбосари сифатида ишлаб келаётган эди.
