Ибрагимович фаолиятини А Сериянинг аутсайдер клубида давом эттириши мумкин
Спорт
−
29 Апрель 2023 3304
Италиянинг “Милан” клуби швециялик ҳужумчи Златан Ибрагимович “Монза”га ўтиши мумкин. Бу ҳақда инсайдер Николо Скира ўз Twitter саҳифасида хабар берди.
Манбага кўра, Ибрагимовичнинг ўзи “Милан” билан шартномани яна бир мавсумга узайтирмоқчи, аммо “россонерилар” раҳбарияти ҳали швед футболчисининг жамоадаги келажаги борасида якуний қарорга келгани йўқ. Агар “Милан” Ибрагимович билан келишувни узайтирмасликка қарор қилса, у ҳолда “Монза” ҳужумчи билан шартнома имзолашга ҳаракат қилади.
41 ёшли Ибрагимович оғир жароҳатидан узоқ вақтда фориғ бўлгани боис бу мавсумда миланликлар сафида атиги тўртта ўйин ўтказиб, битта гол урди. Швециялик ҳужумчи 2020 йилнинг қишида Милан клубига қайтди ва ўтган мавсумда “россонерилар”га Италия чемпионатида ғалаба қозонишга ёрдам берди.
Live
Барчаси
