Facebook Россия ОАВига тақиқ қўйди 

Олам

image
0:00
0:00
download

Facebook ижтимоий тармоғи раҳбарияти Россия давлат оммавий ахборот воситаларига дунё бўйлаб реклама кўрсатиш ва монетизация қилишни тақиқлади. Бу ҳақда унинг хавфсизлик сиёсати бўлими раҳбари Натаниэль Глейхер маълум қилди.

“Биз Россия давлат ОАВларига бутун дунё бўйлаб платформамизда реклама жойлаштиришни ва монетизация қилишни тақиқлаймиз. Ушбу ўзгаришлар аллақачон кучга кирди ва дам олиш кунлари давом этади”, деган Глейхер. 

Унинг таъкидлашича, ижтимоий тармоқ мутахассислари Россия Федерацияси давлат оммавий ахборот воситаларининг нашрларини тегишли эслатмалар билан кузатиб боришда давом этади. 

Facebook бундан олдин Россиянинг тўртта ОАВ: “Звезда” телеканали, “РИА Новости” ахборот агентлиги, “Лента.ру” ва “Газета.ру” интернет платформаларининг расмий аккаунтларига чеклов киритган.

Россиянинг Украинага босқини

Жорий йилнинг 21 февраль куни Россия Президенти Владимир Путин Кремлда Украина шарқидаги ўзини мустақил деб эълон қилган Луганск халқ республикаси (ЛХР) ва Донецк халқ республикасини (ДХР) тан олиш тўғрисидаги фармонни имзолади. Кейинроқ РФ республикаларни шу номдаги вилоятлар чегарадаги тан олганини таъкидлаб, Украинага қарши уруш хавфини ошириб юборди.

Путиннинг фавқулодда қарори ортидан АҚШ, ЕИ, Канада, Австралия, Буюк Британия ва Япония расмийлари ҳам Россияга қарши санкциялар киритди.

24 февраль куни Россия Президенти Владимир Путин Украина шарқида Донбассда рус ҳарбийлари "махсус ҳарбий операция" бошлаганини эълон қилди ва рус қўшинлари Украинага ҳужум бошлади. Путин бу ҳаракатини Украина шарқидаги россияпараст сепаратист кучлар раҳбарлари шундай сўров юборгани билан оқлади.

Бунинг ортидан Зеленский Россия фуқароларига рус тилида мурожаат қилиб, украинларга “на совуқ, на иссиқ, на гибрид уруш керак эмас”лигини, украинлар ҳужумчиларни кутиб олишга тайёрлигини билдирди. Кўп ўтмай Президент Россия билан дипломатик алоқани узди.

Рус қўшинлари дастлаб Киев ва Харьковга ракета ҳужуми уюштирди. Президент Зеленский мамлакатда ҳарбий ҳолат эълон қилди. Шунингдек, расмий идора рус қўшинлари Харьков ва Одесса вилоятига кириб борганини билдирди.

Ҳужум бошланганидан кўп ўтмай, ЛХР Ички ишлар вазири маслаҳатчиси Виталий Киселев Счастье ва Станица шаҳарчалари ЛХР назоратига ўтганини эълон қилди.

Украинага ҳужум бошланиши Россия иқтисодига оғир зарба берди. Рус компаниялари акциялари кескин арзонлашди, Москва биржасида савдолар мислсиз даражада пасайиш билан ўтди. Газпром, ЛУКОЙЛ ва бошқа йирик компаниялар йўқотишларга учради.

25 февраль куни Зеленский Украинада умумий ҳарбий сафарбарлик эълон қилди. Армияга чақирув мамлакатнинг қатор вилоят ва шаҳарларида амалга оширилиши белгиланди.


Мақола муаллифи

Теглар

Россия-Украина уруши Украинага босқин

Баҳолаганлар

27

Рейтинг

3.1

Мақолага баҳо беринг

Дўстларингиз билан улашинг