Эрон билан ҳамкорлик, қарздор Қирғизистонга ёрдам, Божхона имтиёзлари – ЕОИИ саммитида қандай ҳужжатлар имзоланди?

Олам

image

Хабарингиз бор, жорий йилнинг 10 декабрьда Олий Евроосиё иқтисодий кенгаши (ЕОИИ) навбатдаги йиғилиши видеоконференция форматида ўтказилди.

Қозоғистон Президенти Қосим-Жомарт Тўқаев раислигида ўтказилган саммит якунлари бўйича иқтисодий, сиёсий, транспорт соҳаларига доир қуйидаги ҳужжатлар қабул қилинди:

•   “Евроосиё иқтисодий интеграциясини 2025 йилгача ривожлантиришнинг стратегик йўналишлари тўғрисида” 2020 йил 11 декабрдаги 12-сонли ОЕОИИК қарорини амалга оширишнинг бориши тўғрисида”ги масала доирасидаги топшириқнома;
•  юкларни кузатиш учун ЕОИИда навигация пломбаларидан фойдаланиш бўйича келишув;
•  навигация пломбадаги маълумотларни ҳимоя қилиш бўйича ягона чора-тадбирларни ишлаб чиқиш бўйича ишчи гуруҳини тузиш тўғрисидаги фармойиш;
•  ЕОИИ ва Эрон Ислом Республикаси ўртасида эркин савдо зонасини шакллантиришга олиб келадиган вақтинчалик келишувга протоколни имзолаш масалалари тўғрисидаги қарор;
•  2022 йилда ЕОИИ халқаро фаолиятининг асосий йўналишлари тўғрисидаги қарор;
•  ЕОИИда кузатувчи-давлат мақоми тўғрисидаги низомга ўзгартиришлар киритиш тўғрисидаги қарор;
•  2014 йил 29 майдаги Евроосиё иқтисодий иттифоқи тўғрисидаги Шартномага ўзгартиришлар киритиш тўғрисидаги баённома (“II Катта баённома”);
•  ЕОИИ доирасида алоҳида хизмат кўрсатиш тармоқларини либераллаштириш режаларини амалга ошириш тўғрисидаги фармойиш;
•  қурилиш соҳасида ягона хизматлар бозори фаолиятини таъминлаш тўғрисида қарор;
•  ягона хизматлар бозори фаолияти доирасида баҳолаш фаолиятини амалга ошириш шартларига умумий ёндашувлар тўғрисидаги қарор;
•  ЕОИИ доирасида аудиторлик фаолиятини амалга ошириш бўйича келишув;
•  божхона транзити божхона процедурасига мувофиқ товарларни ташишда божхона тўловлари, солиқлар, махсус, демпингга қарши, компенсация божлари тўлаш мажбуриятини бажаришни таъминлашга қаратилган ўзига хос хусусиятлари тўғрисидаги битим;
•  2014 йил 29 майдаги Евроосиё иқтисодий иттифоқи тўғрисидаги шартномани, ЕОИИ қонунчилигига киритилган айрим халқаро шартномаларни ва ЕОИИ органларининг ҳужжатларини Қирғизистон томонидан қўллаш шартлари ва ўтиш қоидалари тўғрисидаги баённомага ўзгартиришлар киритиш тўғрисидаги баённома;
•  2020 йил учун ЕОИИ бюджети ижроси тўғрисидаги ҳисобот бўйича қарор;
•  2022 йил учун ЕОИИ бюджети тўғрисидаги қарор;
•  ЕОИИ судига мурожаат қилганда хўжалик юритувчи субъектлар томонидан тўланадиган бож миқдорини тасдиқлаш тўғрисидаги қарор;
•  ЕОИИ органларида раислик қилиш тўғрисидаги қарор;
•  Олий Евроосиё иқтисодий кенгаши йиғилишини ўтказиш вақти ва жойи тўғрисидаги фармойиш;
•  Қирғизистон Республикасида умумий давлат секторида қарздорлик даражасини пасайтиришга қаратилган қўшма чора-тадбирлар тўғрисидаги қарор.

Маълумот ўрнида, ЕОИИ 2014 йил 29 майда Россия, Қозоғистон, Қирғизистон, Беларусь ва Арманистон каби давлатлар томонидан ташкил этилган. Юқоридаги давлатлардан ташқари 2018 йилдан бўён Молдова, 2020 йилдан Ўзбекистон ва Куба кузатувчи мақомига эга давлатлар ҳисобланади.

Иттифоқнинг асосий мақсадлари, миллий иқтисодиётларни ҳар томонлама модернизация қилиш, ўзаро ҳамкорлик ва рақобатбардошликни ошириш, аъзо давлатлар аҳолисининг турмуш даражасини ошириш учун шарт-шароитлар яратиш ҳисобланади.

ЕОИИ аъзо давлатлар ўртасида иқтисодий соҳада товар, хизмат, капитал ва ишчи кучи ҳаракати эркинлигини таъминлайдиган келишилган ёки ягона сиёсат юритишни кафолатлайди.

Аввалроқ, видеоанжуманда иштирок Ўзбекистон Президенти Шавкат Мирзиёев анжуман иштирокчиларига 7 та таклиф билдиргани ҳақида хабар берган эдик.

Достон Искандаров


Мақола муаллифи

avatar

.

Теглар

Эрон Божхона Қирғизистон ЕОИИ

Баҳолаганлар

83

Рейтинг

3

Мақолага баҳо беринг

Дўстларингиз билан улашинг