Дани Себальос “Реал Мадрид”дан кетди
Спорт
−
12:16 305 1 дақиқа
“Реал Мадрид” жамоаси ярим ҳимоячи Дани Себальос Севильянинг “Бетис” клубига қўшилди. Бу ҳақда Андалусия клуб расмий сайти хабар берди.
Маълум бўлишича, 30 ёшли футболчи “Бетис” билан 2029 йилга қадар амал қиладиган шартнома имзолаган. Себальос янги жамоасига эркин агент сифатида қўшилди.
Себальос “Бетис” академияси тарбияланувчиси ҳисобланади. У 2015-2017 йилларда клубнинг асосий жамоасида ўйнаган ва кейин “Реал Мадрид”га кўчиб ўтган.
Маълумот учун, испаниялик футболчи “Реал Мадрид” сафида жами 215 та учрашувда майдонга тушиб, 7 та гол урган. У мадридликлар билан Испания Кубоги, Қитъалараро кубок, икки мартадан Испания чемпионати ва Суперкубоги, шунингдек, уч мартадан Чемпионлар лигасида ғолиб чиққан. Бундан ташқари, Себальос “Реал Мадрид” билан UEFA Суперкубоги ва клублар ўртасидаги Жаҳон чемпионатида ҳам бош совринни қўлга киритган.
Live
Барчаси
