Алонсонинг “Реал”дан кетиш сабаблари маълум бўлди

Испаниялик мураббий Хаби Алонсо бир нечта сабаларга кўра ўз ихтиёри билан “Реал Мадрид” бош мураббийи лавозимидан кетишга қарор қилган. Бу ҳақда журналист Пепе Альварес маълум қилди.

Манбага кўра, Алонсо кийиниш хоналаридаги худбинлик ва доимий ҳурматсизликдан чарчагани учун кетишга қарор қилган ва бу ҳафтада ушбу ҳолат янада кучайган. Иккинчи сабаб сифатида клуб томонидан сўнгги ойларда мутахассис етарли даражада қўллаб-қувватланмагани кўрсатилмоқда. Бундан ташқари, жамоа жорий йилнинг 11 январь куни Испания Суперкубогининг финал учрашувида азалий рақиби “Барселона”га 3:2 ҳисобида мағлуб бўлган эди. 

Маълумот учун, Хаби Алонсо 2025 йил ёзидан буён “Реал Мадрид” жамоасини бошқариб келган. Клубнинг расмий баёнотида Алонсонинг кетиши ўзаро келишув асосида амалга оширилгани қайд этилган.

Эслатиб ўтамиз, кеча, 12 январь куни “Реал Мадрид” Хаби Алонсо истеъфога чиққанини ҳамда унинг ўрнига Альваро Арбелоа бош мураббий этиб тайинланганини расман эълон қилган эди.