“Ал-Иттифоқ” Демарай Грей трансферини эълон қилди
Спорт
−
07 Сентябрь 2023 1832
Саудия Арабистонининг “Ал-Иттифоқ” клуби “Эвертон” ярим ҳимоячиси Демарай Грей билан шартнома имзолади. Бу ҳақда Саудия клуби матбуот хизмати хабар берди.
Бироқ клублар битимнинг молиявий шартларини ошкор қилмаган. ОАВ маълумотларига кўра, трансфер суммаси 9,5 миллион еврони ташкил қилади. 27 ёшли вингер билан имзоланган мазкур шартнома 2026 йилгача мўлжалланган. Шунингдек, “Ал-Иттифоқ”да уни яна бир йилга узайтириш имконияти мавжуд.
Маълумот учун, Ямайка терма жамоаси аъзоси Демарай Грей 2021 йилдан буён “Эвертон” сафида тўп тепади. Трансферга қадар у Англия клуби билан 75 та ўйинда майдонга тушиб, 12 та гол ва 6 та голли узатмани амалга оширган. Грей профессионал фаолияти давомида “Лестер”, “Бирмингем” ва “Байер” клублари шарафини ҳам ҳимоя қилган.
Эслатиб ўтамиз, Саудия Арабистонининг “Ал-Иттифоқ” клубига “Ливерпуль” афсонаси Стивен Жеррард мураббийлик қилади.
Live
Барчаси
