“Ливерпуль” форварди Саудия клуби билан шартнома имзолади
Спорт
−
26 Июль 2023 3272
“Ливерпуль” форварди Саудия клуби билан шартнома имзолади
Саудия Арабистонининг “Ал-Иттифоқ” клуби “Ливерпуль” сардори Жордан Ҳендерсон билан шартнома имзолади. Бу ҳақда футбол журналисти Фабрицио Романо маълум қилди.
Унга кўра, бугун, 26 июль куни англиялик 33 ёшли яримҳимоячи “Ал-Иттифоқ” билан 3 йиллик шартномага имзо чеккан. Энди Даммам клуби Ҳендесон трансфери учун “Ливерпуль”га 12 миллион евро тўлаб беради.
Маълумот учун, Ҳендерсон ўтган мавсум “Ливерпуль”нинг барча мусобақаларидаги 43 та, АПЛнинг эса 35 та ўйинида майдонга тушган ва 2 та голли узатмага муаллифлик қилган.
Эслатиб ўтамиз, 13 июль куни Саудия Арабистонининг “Ал-Иттифоқ” клуби “қизиллар” сардори билан оғзаки келишувга эришган эди. Мазкур клуб июль ойи бошида англиялик машҳур мутахассис Стивен Жеррардни жамоа бош мураббийлигига тайинлаганди.
Live
Барчаси
