Жеррард ишдан бўшатилди
Спорт
−
30 Январь
2413Саудия Арабистонининг “Ал-Иттифоқ” клуби англиялик мураббий Стивен Жеррардни истеъфога чиқарди. Бу ҳақда клуб матбуот хизмати хабар берди.
Мутахассис 2023 йилнинг ёзида “Ал-Иттифоқ”га бош мураббий этиб тайинланганди. Бунгача Жеррард “Астон Вилла” ва “Рейнжерс”ни бошқарган ва ушбу клублар билан Шотландия чемпионига айланган. Стивен “Ливерпуль”нинг ёшлар жамоасида ҳам фаолият олиб борган.
Жеррард “мерсисайдликлар” клуби академияси тарбияланувчиси ҳисобланади. Футболчилик фаолияти давомида у “қизиллар” билан Европа Чемпионлар лигаси ва Англия кубогини қўлга киритди. Англиялик футболчи 2016 йилда профессионал футболчилик фаолиятини якунлади. Стивен охирги тўп тепган клуб Американинг “Лос-Анжелес Гелакси” жамоаси бўлди.
Эслатиб ўтамиз, аввалроқ Саудиянинг бошқа бир клуби Ал-Наср 77 миллион евро эвазига колумбиялик футболчини ўз сафига қўшиб олгани хабар қилинганди.
LiveБарчаси