ИИВ ўринбосари Шавкат Раҳмонов ишдан олинди
Жамият
−
05 Март 39394
Ички ишлар вазирининг биринчи ўринбосари – Тезкор-қидирув департаменти бошлиғи полковник Шавкат Раҳмонов ишдан олинди. Бу ҳақда QALAMPIR.UZ манбаси маълум қилди.
Раҳмоновнинг ишдан олиниш сабаби ҳозирча номаълум.
Маълумот учун, у 2023 йил февралда мазкур лавозимга тайинланганди. Раҳмонов аввал Наманган ва Самарқанд вилояти Ички ишлар бошқармаси бошлиғи лавозимларида ҳам хизмат қилган.
Эслатиб ўтамиз, жорий йилнинг 3 март куни 2017 йилдан бери Ички ишлар вазири сифатида ишлаб келган Пўлат Бобожонов лавозимидан озод этилгани хабар қилинганди. Унинг ўрнига Тошкент шаҳар ички ишлар бош бошқармаси бошлиғи сифатида ишлаб келган Азиз Тошпўлатов Ички ишлар вазири этиб тайинланди.
Live
Барчаси
