Самарқандда йўловчи автобуси қулаб тушди (видео)

Local

−

01 April 2023 visibility16403 timer1 minute

Самарқанд шаҳрида кўтарма кран воситасида кўчирилаётган йўловчи автобуси қулаб тушди. Бу ҳақда вилоят Ички ишлар бошқармаси Йўл ҳаракати хавфсизлиги бошқармаси хабар берди.

Қайд этилишича, бугун, 1 апрель куни соат 10:40 лар атрофида шаҳарнинг Чуқурйўл кўчасида яроқсиз аҳволга келиб қолиб, рўйхатдан чиқарилган Mercedes-Benz русумли автобус бир юк автомобилидан бошқасига кўчирилаётган вақтда кўтарма кран илгичидан чиқиб кетиб, ағдарилган. Ҳодиса оқибатида жабрланганлар йўқлиги маълум қилинди.

Эслатиб ўтамиз, аввалроқ Тошкентда Tracker автобусга урилиб, ёниб кетган эди. Шунингдек, Тошкентда икки йўловчи автобуси тўқнашганди.,

Нодиржон Мадаминов

Author