Новосибирскда ўзбекистонлик эркак юртдошини ўлдириб, бўлаклаб ташлади (видео)

Crime

−

20 September 2024 visibility17762 timer1 minute

Россия ҳуқуқ-тартибот идоралари ходимлари кеча, 19 сентябрь куни Новосибирскда содир этилган қотилликни фош этди. Бу ҳақда мамлакат Тергов қўмитасининг вилоят Бош бошқармаси хабар берди.

Қайд этилишича, терговга жалб қилинган шахс 34 ёшли Ўзбекистон фуқароси бўлиб, у ўз юртдошининг ҳаётига зомин бўлган. 19 сентябрга ўтар кечаси у шериги билан спиртли ичимлик ичган. Шундан сўнг, икковлон жанжаллашиб, айбланувчи танишини уриб ўлдирган.

“Жиноят изларини яшириш мақсадида эркак 44 ёшли жабрланувчининг жасадини бўлакларга бўлиб, унинг қисмларини қопларга солиб, сув омбори яқинидаги кимсасиз жойга олиб кета бошлаган”, дейилади хабарда.

Билдирилишича, у қўлга олиниб, қотилликда айбланган ва суд қамоққа олиш тарзидаги эҳтиёт чорасини қўллаган.

Эслатиб ўтамиз, аввалроқ Россиядаги ўрмондан ўзбекистонлик мигрантнинг қолдиқлари топилган эди.

Author