Футзал: Бугун Ўзбекистон Вьетнам билан ўйнайди

Sport

−

24 April 2024 visibility7015 timer1 minute

Бугун, 24 апрель куни Таиландда ўтказилаётган футзал бўйича Осиё кубогининг чорак финал ўйинлари бошланади. Мазкур босқичда Ўзбекистон терма жамоаси вьетнамлик футзалчиларга қарши майдонга тушади.

“B” гуруҳида юз фоизлик натижа қайд этиб, плей-офф босқичига йўл олган Хосе Венансио Лопес шогирдлари “A” гуруҳида 2-ўринни эгаллаган Вьетнам тўсиғидан ўтса, ярим финалда Эрон-Қирғизистон жуфтлиги ғолиби билан баҳс олиб боради.

Қайд этиш жоиз, Ўзбекистон ва Вьетнам футзалчилари бунгача 2018 йил Хитой Тайпейида ўтказилган Осиё кубоги чорак финалида тўқнаш келган. Ўша учрашувда ўзбекистонлик футзалчилар 3:1 ҳисобида ғалаба қозонган.

Маълумот учун, Ўзбекистон-Вьетнам баҳси соат 19:00 да старт олади. Ўйинга “Бангкок” Арена мезбонлик қилади.

Author