Ziyoratchilar Haj safariga jo‘nab ketdi (video)
Jamiyat
−
24 iyul 2019 5956
Bugun, 24 iyul kuni erta tongdan Haj ibodatini ado etish uchun otlangan o‘zbekistonliklarning dastlabki guruhi Saudiya Arabistoniga jo‘nab ketdi.
Haj safari bilan bog‘liq tashkiliy ishlar yildan-yilga yaxshilanib bormoqda. Masalan, ilgari hojilarimiz ikki yulduzli mehmonxonalarda turishgan bo‘lishsa, bu yili Madina shahridagi 5 yulduzli “Pullman zamzam” mehmonxonasi, Makka shahridagi 4 yulduzli “Abrojul Hidoya” mehmonxonasi ijaraga olindi.
Ziyoratchilar shu yilning 24 iyul — 3 avgust kunlari Toshkent-Madina, Buxoro-Madina, Namangan-Madina, Samarqand-Madina, Qarshi-Madina, Urganch-Madina hamda Nukus-Madina yo‘nalishlarida haj safariga kuzatiladilar va shu yo‘nalishlar bo‘yicha 17 avgust — 1 sentyabr kunlari mamlakatga qaytib keladilar.
Ziyoratchilarni Saudiya Arabistonida kutib olish, kuzatish va ularga qulay shart-sharoitlar yaratish ishlari Ishchi guruhi hamda O‘zbekiston Respublikasining Jidda shahridagi Bosh konsulxonasi “Haj” va “Umra” masalalari bo‘yicha attashesi hamkorligida tashkil etiladi.
Live
Barchasi
