Ziroat Mirziyoyeva “Falastin uchun yagona yurak” sammitida qatnashdi

Bugun, 15 noyabr kuni Turkiyaning Istanbul shahridagi Dolmabog‘cha prezidentlik majmuasida Turkiya birinchi xonimi Emina Erdo‘g‘an tomonidan tashkil etilgan "Falastin uchun yagona yurak" sammiti bo‘lib o‘tdi. Unda O‘zbekiston Respublikasining birinchi xonimi Ziroat Mirziyoyeva ham ishtirok etib, nutq so‘zladi. 

Sammitda Qatar amiri Shayx Tamim bin Hamad Ol Soniyning onasi Shayxa Moza bint Nosir, Senegal Prezidenti Maki Saning rafiqasi Mariyeme Faye Sall, Malayziya qirolichasi Tunku Aziza Aminah Maymunah Iskandariya, O‘zbekiston Prezidentining rafiqasi Ziroat Mirziyoyeva, Kongo Respublikasi Prezidentining rafiqasi Antuanetta Sassu-Ngesso, Bangladesh Prezidentining rafiqasi Rebeka Sultona, Bosniya i Gersegovina Prezidentlik kengashining xorvat a’zosi Jelko Komshichning rafiqasi Sabina Komshich, Livan Bosh vazirining rafiqasi May Mikati, Shotlandiya mintaqaviy bosh vaziri Hamza Yusufning rafiqasi Nadiya Al-Nakla, Liviya Bosh vaziri Abdulhamid Dibeybening rafiqasi Omina Ali Muhammad Al-Shavush Al-Dilaviy, Falastin maxsus vakili Ferial Kamel Abdalrahmon Salim, Birlashgan Arab Amirliklari Tashqi ishlar vaziri Abdulla bin Zoid an-Nahyonning rafiqasi Shayxa Alyazia bint Saif Al Nahayon, Misr rejalashtirish va iqtisodiy rivojlanish vaziri Hala Alsaid va turkmanistonlik diplomat Chinor Rustamova ishtirok etdi. 

Uchrashuvga Ozarbayjon Prezidenti Ilhom Aliyevning rafiqasi Mihriban Aliyeva, Braziliya Prezidenti Luis Inasiu Lula da Silvaning rafiqasi Rosangela da Silva va Venesuela Prezidenti Nikolas Maduroning rafiqasi Siliya Flores ham videomurojaat yo‘lladi. 

Birinchi xonim Erdo‘g‘an, Dolmabog‘cha idorasiga birin-ketin kelgan mehmonlarni eshik oldida kutib oldi. So‘ngra birinchi xonim Erdo‘g‘an va mehmonlar oilaviy birgalikda suratga tushdi.  

Eslatib o‘tamiz, O‘zbekiston Prezidentining rafiqasi Ziroat Mirziyoyev Emina Erdo‘g‘anning taklifiga binoan Turkiyaga kecha, 14 noyabr kuni yetib bordi. Unga kenja qizi – Ijtimoiy himoya agentligi direktorining birinchi o‘rinbosari Shahnoza Mirziyoyeva hamrohlik qilmoqda.