Joshua va Ngannu jang qiladigan bo‘ldi
Sport
−
06 yanvar 3881
Og‘ir vaznda sobiq UFC chempioni Frensis Ngannu va boks bo‘yicha og‘ir vaznda ikki karra jahon chempioni Entoni Joshua 9 mart kuni jang qiladi. Bu haqda “MMAJunkie” xabar berdi.
Joshua va Ngannu o‘rtasida Saudiya Arabistonining Ar-Riyod shahrida 10 raundlik jang bo‘lib o‘tadi. Jangni rasman e’lon qilish uchun shu oy oxirida Londonda matbuot anjumani o‘tkazilishi kutilmoqda.
2023 yil boshida Ngannu UFC'ni tark etdi va boks olamiga o‘tishini e’lon qildi. Ngannu 28 oktyabr kuni bo‘lib o‘tgan birinchi boks uchrashuvida britaniyalik Tayson Fyuriga yutqazib qo‘ydi. 3-raundda Ngannu raqibini nokautga uchratdi, biroq Fyuri kurashni davom ettira oldi.
Joshua esa oxirgi jangini o‘tgan yili 23 dekabr kuni o‘tkazgandi. U shvetsiyalik Otto Vallinni beshinchi raundda nokaut bilan mag‘lub etdi. Joshua faoliyatidagi 27 ta g‘alabadan 24 tasi nokaut bilan yakunlangan.
