Jokovich yetakchi, Nadal yaqinlashdi, Istomin 266-o‘rinda... ATP reytingi yangilandi

Bugun, 31 yanvar kuni Professional tennis assotsiatsiyasi (ATP) tennischilarning yangilangan reytingini e’lon qildi. 

Unga ko‘ra, garchi Avstraliya ochiq chempionatida ishtirok etmagan bo‘lsa-da, Novak Jokovich 1-o‘rinda qoldi. Unga ikkinchi pog‘onani band etgan rossiyalik tennischi Daniil Medvedevning musobaqa finalida mag‘lub bo‘lgani sabab bo‘ldi. Biroq Daniil peshqadam Jokovich bilan oradagi farqni sezilarli darajada qisqartirdi. Avstraliya ochiq chempionati boshlanishidan tafovut 2080 ochkoni tashkil etgan bo‘lsa, hozir 890 ochkoga qisqardi. 

Faoliyatida 21-marta “Katta Dubulg‘a” turkumidagi musobaqa bosh sovrinini qo‘lga kiritgan Rafael Nadal esa 5-o‘rinda qoldi, biroq Stefanos Sitsipas va Aleksandr Zverev bilan o‘rtadagi farqni qisqartirishga muvaffaq bo‘ldi.

ATP reytingi. 31 yanvar
1(1). Novak Jokovich (Serbiya) - 11 015.
2(2). Daniil Medvedev (Rossiya) - 10 125.
3(3). Aleksandr Zverev (Germaniya) - 7780.
4(4). Stefanos Sitsipas (Gretsiya) - 7170.
5(5). Rafael Nadal (Ispaniya) - 6875 yil.
6(7). Matteo Berrettini (Italiya) - 5278.
7(6). Andrey Rublyov (Rossiya) - 4830 yil.
8(8). Kasper Ruud (Norvegiya) - 4065.
9(9). Feliks Oje-Alyassim (Kanada) - 3923 yil.
10(10). Yannik Sinner (Italiya) - 3705.

O‘zbekistonlik Denis Istomin esa o‘tgan oyga nisbatan 12 pog‘ona pastlagan va 266-o‘ringa joylashgan. Uning hisobida 214 ochko mavjud.