Jo Bayden AQSH terma jamoasini g‘alaba bilan tabrikladi
Olam
−
30 noyabr 2022 2685
Amerika Qo‘shma Shtatlari Prezidenti Jo Bayden mamlakat terma jamoasini Qatardagi jahon chempionatining pley-off bosqichiga chiqqani bilan tabrikladi. Ushbu jarayon aks etgan videoni Prezident o‘zining Twitter’dagi sahifasiga joyladi.
Terma jamoa g‘alabasidan xabar topgan Prezident Michigandagi chiqishidan so‘ng futbolchilarni tabriklash uchun yana sahnaga qaytgan. U xursandchilik bilan uchrashuv hisobini e’lon qilgan va jamoa eng muhim o‘yinda g‘alaba qozonganini aytgan.
Ma’lumot o‘rnida, amerikaliklar Eron terma jamoasini 1:0 hisobida mag‘lub etdi va mundialning 1/8 finaliga yo‘l oldi.
AQSH 1/8 finalda Niderlandiya bilan to‘qnash keladi. Uchrashuv 3 dekabr kuni Dohadagi “Xalifa” xalqaro stadionida bo‘lib o‘tadi.
Mushtariy G‘aniyeva
Live
Barchasi
