Jigar salomatligi uchun qanday ovqatlanish kerak? 

Jigar salomatligi uchun, shuningdek boshqa a’zolar salomatligi uchun hayvon yog‘i ko‘p bo‘lgan oziq-ovqatlarni cheklash tavsiya etiladi. Nutritsiolog Yelena Mixaylenko jigar uchun eng xavfli va zaharli mahsulotlarni ma’lum qildi. 

“Jigar salomatligi uchun, shuningdek tanamizning boshqa a’zolari salomatligi uchun hayvon yog‘i ko‘p bo‘lgan oziq-ovqatlarni cheklash tavsiya etiladi — sariyog‘, kolbasa mahsulotlari, yog‘li go‘sht. Ulardan butunlay voz kechish shart emas, ularni ratsioningizda me’yorida ishlatishingiz kerak”, degan Mixaylenko. 

Mutaxassisga ko‘ra, ko‘p miqdordagi tuz ham jigarga salbiy ta’sir ko‘rsatadi. 

“Jahon sog‘liqni saqlash tashkiloti tavsiyasiga ko‘ra, kattalar uchun tuzning kunlik dozasi 5 grammdan oshmasligi kerak. Tuz ko‘pincha kolbasa, dudlangan go‘sht va sosiska kabi go‘sht mahsulotlarida yashiringanini unutmang. Tuzli pishloqlar, chipslar va konservalarda ham ko‘p tuz mavjud”, degan u. 

Mixaylenko, shuningdek spirtli ichimliklar jigar uchun juda zararli ekanligini eslatgan. 

“Bu organni yuk bilan ishlashga majbur qiladi, uning funksiyalariga yaxshi ta’sir qilmaydi. Shuning uchun, spirtli ichimliklardan butunlay voz kechish yaxshiroqdir. Jigar sog‘lig‘i uchun achchiq va qizarib pishgan hamma narsani cheklash kerak”, deb ta’kidlagan shifokor. 

Mutaxassisning qo‘shimcha qilishicha, yeguliklarni ko‘p yog‘ bilan pishirishni qisqartirish tavsiya etiladi. 

“Shu yo‘l bilan siz nafaqat jigarni, balki umuman sog‘lig‘ingizni ham qutqarasiz", deb xulosa qilgan Mixaylenko.