Ji Sun Ronaldu kabi muhim futbolchi edi – Runi

Angliyaning “Derbi Kaunti” klubi bosh murabbiyi hamda “Manchester Yunayted” sobiq futbolchisi Ueyn Runi “Qizil iblislar”ning eks-yarim himoyachisi Park Ji Sun haqidagi xotiralari bilan o‘rtoqlashdi.

“Agar siz 12 yoshli bolalarga Park Ji Sunning ismini aytsangiz, uning kimligini tushunmasliklari mumkin. Ammo Park bilan birga o‘ynaganlarning barchasi uning “Manchester Yunayted” muvaffaqiyati uchun Krishtianu Ronaldu kabi muhim bo‘lganini bilishadi”, deydi Runi.

Eslatib o‘tamiz, 2021 yil oxirida Ji Sun tez orada “Kuinz Park Reynjers”ning 16 yoshgacha jamoasini boshqarishi ma’lum bo‘lgan edi.

Ma’lumot uchun, 40 yoshli Park Ji Sun 2012 yilda “Manchester Yunayted”ni tark etgach, ikki mavsumni KPR klubida o‘tkazgan. MYU tarkibida esa futbolchi to‘rt marta Angliya Premer ligasida chempion bo‘lgan va 2008 yilda UEFA Chempionlar ligasida g‘olib chiqqan, shuningdek, “PSV Eyndxoven” tarkibida Niderlandiya chempionatida ham zafar quchgan. 2014 yilga kelib, Park futbolchilik faoliyatini yakunlagan edi.