JCHda vafot etgan jurnalistning jasadi AQSHga olib borildi
Sport
−
13 dekabr 2022 4987
9 dekabr kuni Dohada vafot etgan amerikalik jurnalist Grant Uolning jasadi AQSHga keltirildi. Bu haqda "Associated Press" nashri xabar berdi.
Jasad Nyu-York aeroportiga Toshkent vaqti bilan 18:30 da yetkazilgan.
10 dekabr kuni Uolning o‘limi haqida Milliy jamoat radiosi (NPR) muxbiri Rassel Lyuis o‘zining Twitter sahifasida xabar berdi. Uol 48 yoshda edi. Jurnalist Argentina va Niderlandiya terma jamoalari o‘rtasidagi chorak final o‘yinida Lusail shahridagi "Milliy" stadionning media platformasida hushidan ketib, darhol shifoxonaga olib borilgan va o‘sha joyda vafot etgan. Xalqaro futbol federatsiyasi prezidenti Janni Infantino, Jahon chempionati tashkiliy qo‘mitasi va AQSH Futbol federatsiyasi Uol oilasiga hamdardlik bildirdi.
Avvalroq, qatarlik fotograf Xolid al-Misslom ham JCHni yoritish vaqtida vafot etgandi.
Live
Barchasi07 noyabr 2023
07 noyabr 2023
07 noyabr 2023
