JCH-2026 formati qachon tasdiqlanadi?
Sport
−
14 mart 2023 4860
Joriy yilning 16 mart kuni FIFA 2026 yilgi Jahon chempionatining formatini tasdiqlaydi. Bu haqda “The Athletic” xabar berdi.
Manbaga ko‘ra, kelgusi mundialning formati Ruanda poytaxti Kigali shahrida bo‘lib o‘tadigan FIFA kongressida tasdiqlanadi. Turnirda 48 ta jamoa ishtirok etadi.
Dastlabki reja jamoalarni 3 tadan 16 ta guruhga bo‘lish edi. FIFA bu g‘oyadan voz kechib, 4 ta jamoadan iborat 12 ta guruhdan iborat formatni ma’qulladi. Jamoalar navbatdagi Jahon chempionatida jami 104 ta o‘yin o‘tkazadi. Turnir 39 kun davom etadi. 2026 yilgi Jahon chempionati AQSH, Kanada va Meksikada bo‘lib o‘tadi.
Eslatib o‘tamiz, oxirgi Jahon chempionati o‘tgan yili Qatarda o‘tkazildi. Qatar mundiali 32 ta terma jamoa ishtirok etgan so‘nggi chempionat sifatida tarixga muhrlandi.
Live
Barchasi
