Zelenskiy Trampga suiqasd tufayli muammolarga duch keldi

AQSH prezidentligiga nomzod Donald Trampga suiqasd uyushtirishda gumon qilingan Rayan Uesli Rut va Ukraina o‘rtasidagi aloqalar haqidagi xabarlar amaldagi Prezident Jo Bayden bilan muzokaralar oldidan Vladimir Zelenskiyga nomaqbul e’tiborni yuzaga keltirdi. Bu haqda “Bloomberg” xabar berdi.

“Vladimir Zelenskiy uchun bu juda achinarli pallada yuz berdi va unga o‘zi xohlagan e’tibor berilmayapti. U amaldagi Prezident Jo Bayden bilan aloqa qilmoqda va AQSHni Rossiyaga qarshi uzoq masofaga uchuvchi raketalardan foydalanishga ruxsat olishga urinyapti", deyiladi xabarda.

Nashrga ko‘ra, suiqasd urinishlari nafaqat hozirgi jarayonda, balki Tramp saylovlarda g‘alaba qozongan taqdirda AQSH Prezidentining kelajakdagi ma’muriyatida ham Ukrainaga nisbatan munosabatga ta’sir qilishi mumkin.

“Agar respublikachi nomzodning Ukrainaga xayrixohligi allaqachon so‘roq ostida qolgan bo‘lsa, uning saylovoldi kampaniyasidagi so‘nggi g‘alati burilish Trampning fikrini oldindan aytish qiyin bo‘lgan yo‘llar bilan o‘zgartirishi mumkin”, deb yozadi nashr.

Eslatib o‘tamiz, avvalroq Ukraina Prezidenti Vladimir Zelenskiy AQSH rahbari Bayden bilan uchrashuv oldidan g‘alaba rejasi tafsilotlarini oshkor qilgan edi.