Zelenskiy nega ijtimoiy tarmoqlardan foydalanmasligini ochiqladi

Olam

−

09 iyun 2020 visibility6526 timer1 daqiqa

Prezident Vladimir Zelenskiy ijtimoiy tarmoqlardan foydalanmaydi. U bu haqda bugun, 9 iyun kuni UP nashriga bergan intervyusida aytib o‘tdi.

"Men ijtimoiy tarmoqlarga kirmayman. Facebook’dan deyarli foydalanmayman. Pyotr Alekseyevichning (Poroshenkoni nazarda tutyapti – tahr) botlardan iborat armiyasi bizga qarshi harakat qilganidan buyon shunday. Facebook’da ba’zi postlar chop etiladi. Ba’zida buni men qilaman, ba’zida muharrir tayyorlaydi”, dedi Prezident.

Zelenskiyning ta’kidlashicha, u Instagram’dan foydalanishni yaxshi ko‘radi, ammo hozir unda bu ishga vaqt yo‘q.

Avvalroq, Vladimir Zelenskiy kafega tashrif buyurib, karantin qoidalarini buzgani haqida xabar bergan edik. Prezidentning ana shu surati Davlat devoni tomonidan Instagram’da e’lon qilindi.

Maqola muallifi