Zelenskiy davlat to‘ntarishi qilishga urinayotganlikda ayblandi

Ukrainadagi "Hayot uchun” oppozitsiya platformasining hamraisi, Rada deputati Yuriy Boyko mamlakat Prezidenti Vladimir Zelenskiyning davlat konstitutsiyaviy sudiga oid so‘nggi qarorlarini qattiq tanqid qildi va bu ishni davlat to‘ntarishiga urinish, deb atadi.

"Ukrainada davlatni to‘ntarishga urinish mavjud, u konstitutsiya kafili, amaldagi Prezident tomonidan boshqariladi. Sudyalarni hech qanday sababsiz ishdan bo‘shatish konstitutsiyani buzish hisoblanadi. Mamlakatda siyosiy inqiroz yaqinlashmoqda", dedi parlament a’zosi "NSN" telekanaliga bergan intervyusida.

Boyko Ukraina rahbarining harakatlari muddatidan oldin parlament saylovlariga olib kelishi mumkinligini ta’kidladi.

Avvalroq, Ukraina Konstitutsiyaviy sudi mamlakatda korrupsiyaga qarshi ba’zi normalarni bekor qilishga qaror qildi. Ukraina Prezidenti devonida qaror noqonuniy deb topilgan va mamlakat manfaatlariga mos kelmagan. 

30 oktyabr kuni Zelenskiy Oliy Radaga konstitutsiyaviy sudning amaldagi tarkibining vakolatlarini tugatish to‘g‘risidagi qonun loyihasini taqdim etdi. Sud rahbari prezidentning tashabbusida konstitutsiyaviy to‘ntarish alomatlari borligini aytdi.