“Yuventus” PSJ hujumchisini ijaraga oldi

Sport

−

13:54visibility412

Turinning “Yuventus” klubi PSJ futbolchisi Randal Kolo-Muanini sotib olish shartisiz ijaraga oldi. Bu haqda insayder Fabritsio Romano o‘z X sahifasida ma’lum qildi.

Manbaga ko‘ra, turinliklar hujum chizig‘idagi kamchilikni to‘ldirish maqsadida parijliklar forvardini yozgacha ijara asosida xarid qildi. “Keksa senora” ustozi Tyago Motta ham ushbu transfer amalga oshirilishini klub rahbariyatidan iltimos qilgan. Sababi, jamoaga Dushan Vlaxovichga raqobatdosh sherik kerak.

Ma’lum bo‘lishicha, Kolo-Muani bu hafta oxirigacha Turin klubi tibbiy ko‘rigidan o‘tadi va jamoaga kelib qo‘shiladi.

Ma’lumot o‘rnida, 26 yoshli fransiyalik futbolchi joriy mavsum parijliklar safida barcha musobaqalarda 14 ta o‘yinda maydonga tushib, 2 ta gol urdi va 1 ta assist qayd etdi.

Eslatib o‘tamiz, avvalroq, PSJ “Napoli” vingeri Xvichani qo‘lga kiritgani haqida xabar berilgan edi.

Maqola muallifi

Akmal Eshboev

Teglar

Yuventus PSJ Fabritsio Romano Randal Kolo-Muani

Baholaganlar

Reyting

Maqolaga baho bering

5 stars 4 stars 3 stars 2 stars 1 stars

Doʻstlaringiz bilan ulashing

online_predictionLive

Barchasicall_made

O‘zbekiston Respublikasi va Birlashgan Arab Amirliklari Prezidentlarining muzokaralari yakunida strategik sheriklik o‘rnatish to‘g‘risida deklaratsiya imzolandi.