Yirtqich hayvonga aylangan – Zaxarova Zelenskiyni haqorat qildi

Qo‘g‘irchoq va muvozanatsiz Vladimir Zelenskiy (Ukraina Prezidenti – tahr.) qo‘llari sayyorani yo‘q qila oladigan yirtqich hayvonga aylandi.
Rossiya Tashqi ishlar vazirligi matbuot kotibi Mariya Zaxarova Zelenskiyning NATOning Rossiyaga ogohlantirish zarbasi haqidagi bayonotiga izoh berib shunday jiddiy ayblov bilan chiqdi.

“Sayyoradagi har bir inson, qurol-yarog‘ bilan to‘ldirilgan qo‘g‘irchoq va muvozanatsiz qahramon Zelenskiy qo‘llari sayyorani yo‘q qila oladigan yirtqich hayvonga aylanganini tushunishi kerak”, deb yozdi Zaxarova o‘zining Telegram-kanalida.

U shuningdek, G‘arb davlatlari yadroviy urushni kuchaytirayotganini iddao qilgan. Aftidan, Zaxarova yadroviy quroldan foydalanish haqidagi ilk fikr Rossiya Prezidenti Vladimir Putin tomonidan bildirilganini unutgan.

Avvalroq, Zelenskiy NATO Rossiyaning yadroviy quroldan foydalanishining oldini olish uchun ogohlantiruvchi choralar ko‘rishi kerakligini aytgandi.

Eslatib o‘tamiz, 21 sentyabr kuni Putin xalqiga murojaati davomida, u Rossiya xavfsizligiga tahdid qiluvchilarga yadroviy qurol bilan javob berishdan ham tap tortmasligini aytgan edi.