Йиртқич ҳайвонга айланган – Захарова Зеленскийни ҳақорат қилди

Қўғирчоқ ва мувозанатсиз Владимир Зеленский (Украина Президенти – таҳр.) қўллари сайёрани йўқ қила оладиган йиртқич ҳайвонга айланди.
Россия Ташқи ишлар вазирлиги матбуот котиби Мария Захарова Зеленскийнинг НАТОнинг Россияга огоҳлантириш зарбаси ҳақидаги баёнотига изоҳ бериб шундай жиддий айблов билан чиқди.

“Сайёрадаги ҳар бир инсон, қурол-яроғ билан тўлдирилган қўғирчоқ ва мувозанатсиз қаҳрамон Зеленский қўллари сайёрани йўқ қила оладиган йиртқич ҳайвонга айланганини тушуниши керак”, деб ёзди Захарова ўзининг Telegram-каналида.

У шунингдек, Ғарб давлатлари ядровий урушни кучайтираётганини иддао қилган. Афтидан, Захарова ядровий қуролдан фойдаланиш ҳақидаги илк фикр Россия Президенти Владимир Путин томонидан билдирилганини унутган.

Аввалроқ, Зеленский НАТО Россиянинг ядровий қуролдан фойдаланишининг олдини олиш учун огоҳлантирувчи чоралар кўриши кераклигини айтганди.

Эслатиб ўтамиз, 21 сентябрь куни Путин халқига мурожаати давомида, у Россия хавфсизлигига таҳдид қилувчиларга ядровий қурол билан жавоб беришдан ҳам тап тортмаслигини айтган эди.