Yevropada gaz narxi yangi rekord o‘rnatdi

Yevropada tabiiy gaz narxi rekord darajaga yetib, megavatt-soati uchun 223,85 yevroga yetdi. Bu haqda “Anadolu” xabar berdi.

Narxlarning oshishiga Rossiyaning “Gazprom” energetika kompaniyasining 27 iyul kuni Moskva vaqti bilan soat 07:00 dan boshlab Yevropaga gaz eksportining asosiy yo‘nalishi bo‘lgan “Shimoliy oqim” orqali gaz yetkazib berish quvur quvvatining 40 foizidan 20 foiziga tushishi haqidagi bayonoti ta’sir ko‘rsatdi.

Niderlandiyadagi virtual savdo maydonchasida (TTF) sotiladigan gaz uchun avgust fyuchers shartnomalarining narxi savdo arafasida bir megavatt-soat uchun 199,91 yevroni tashkil qildi.

Bugun savdolar MVt/soat uchun 210,25 yevrodan boshlangan.

Ko‘p o‘tmay gaz narxi 12 foizga ko‘tarilgan, bir kun oldingi yopilish bilan solishtirganda 223,85 yevrogacha. Bu joriy yilning mart oyidan beri eng yuqori ko‘rsatkichdir.

25 iyul kuni “Gazprom”ga “Shimoliy oqim” quvuri orqali gazni quyish uchun mas’ul bo‘lgan Portovaya kompressor stansiyasida yana bir Siemens gaz turbinali dvigateli to‘xtatilgani haqida ma’lum qilindi.

Kompaniya quvur orqali yetkazib beriladigan gaz hajmi kamayishi haqida ogohlantirgan.