Yerda deyarli bir hafta kuchli magnit bo‘ronlari kuzatiladi

Joriy hafta oxiridan boshlab Yer Quyoshdagi yirik koronal teshikdan chiqayotgan Quyosh shamoli oqimiga kiradi. Geomagnit bezovtaliklar olti kungacha cho‘zilishi mumkin, uning eng yuqori nuqtasi 14-16 sentyabr kunlariga to‘g‘ri keladi. Bu haqda Quyosh astronomiyasi laboratoriyasi xabar berdi. 

Astrofiziklar hisob-kitobiga ko‘ra, Yer 14 sentyabr, yakshanba kuni tongida bezovta hududga aylanadi. Quyosh shamolining tezligi hozirgi 400 km/s dan asta-sekin oshib, 14–15 sentyabr kunlari 500–600 km/s ga yetadi. Maksimal ko‘rsatkich 16 sentyabrda kutilmoqda – o‘shanda tezlik 700 km/s atrofida bo‘lishi mumkin.

Katta bezovtaliklar ehtimoli past, ammo sentyabr oyida hatto zaif impulslar ham magnitosferaga ta’sir qiladi. Faqat oyning dastlabki o‘n kunida uchta magnit bo‘roni qayd etilgan – bu avgust oyidagidan o‘n barobar ko‘p.

Ma’lumot uchun, koronal teshik – Quyosh yuzasidagi magnit maydon ochilib, kosmosga chiqib ketadigan hudud bo‘lib, u orqali Quyosh koronasidan chiqayotgan qizigan gazlar fazoga oqib chiqadi.