Ерда деярли бир ҳафта кучли магнит бўронлари кузатилади

Жорий ҳафта охиридан бошлаб Ер Қуёшдаги йирик коронал тешикдан чиқаётган Қуёш шамоли оқимига киради. Геомагнит безовталиклар олти кунгача чўзилиши мумкин, унинг энг юқори нуқтаси 14-16 сентябрь кунларига тўғри келади. Бу ҳақда Қуёш астрономияси лабораторияси хабар берди. 

Астрофизиклар ҳисоб-китобига кўра, Ер 14 сентябрь, якшанба куни тонгида безовта ҳудудга айланади. Қуёш шамолининг тезлиги ҳозирги 400 км/с дан аста-секин ошиб, 14–15 сентябрь кунлари 500–600 км/с га етади. Максимал кўрсаткич 16 сентябрда кутилмоқда – ўшанда тезлик 700 км/с атрофида бўлиши мумкин.

Катта безовталиклар эҳтимоли паст, аммо сентябрь ойида ҳатто заиф импульслар ҳам магнитосферага таъсир қилади. Фақат ойнинг дастлабки ўн кунида учта магнит бўрони қайд этилган – бу август ойидагидан ўн баробар кўп.

Маълумот учун, коронал тешик – Қуёш юзасидаги магнит майдон очилиб, космосга чиқиб кетадиган ҳудуд бўлиб, у орқали Қуёш коронасидан чиқаётган қизиган газлар фазога оқиб чиқади.