Yelizaveta II qanday holatda taxtdan voz kechishi ma’lum bo‘ldi

north_east

Yelizaveta II oila a’zolariga shahzoda Garri bilan axborot urushi boshlashga ruxsat berdi 

Buyuk Britaniya qirolichasi Yelizaveta II bundan besh yil oldin — 90 yoshga to‘lgan kunida xolavachchasi Margaret Rodsga uni taxtdan voz kechishga majbur qiluvchi sabablar to‘g‘risida gapirib bergan. Bu haqda “Daily Star” nashri qirollik biografi Metyu Dennisonga asoslanib xabar bergan.  

Dennisonning ta’kidlashicha, Yelizaveta II xolavachchasi Margaret Rodsga, agarda u Alsgeymer kasalligiga chalinmasa yoki insultni boshidan o‘tkazmasa, taxtdan voz kechmasligini aytgan. Bundan tushunish mumkinki, Yelizaveta II turmush o‘rtog‘i, Edinburg gersogi Filipp vafotidan keyin ham taxtdan aniq voz kechmaydi. 

“Qirolichaning sog‘lig‘i yaxshi ekanligi haqida barcha belgilar mavjud, u imkon qadar uzoq vaqt bizning qirolichamiz bo‘lib qoladi”, degan yana bir qirollik tarixchisi Xyugo Vikers. 

Ma’lumot o‘rnida, 1926 yilning 21 aprelida tug‘ilgan Buyuk Britaniya qirolichasi Yelizaveta II 12 iyun kuni o‘zining 95 yoshini nishonlagandi.