Yangilangan WBA reytingida 4 nafar o‘zbekistonlik bokschi peshqadam bo‘ldi

Butunjahon boks assotsiatsiyasi (WBA) oktyabr oyi yakunlariga ko‘ra yangilangan reytingni e’lon qildi. Reytingda 4 nafar O‘zbekiston vakili o‘z vazn toifasida 1-pog‘onadan joy olgan.

Yangi jadvaldan umumiy 7 nafar O‘zbekiston vakili o‘rin egallagan. Murodjon Ahmadaliyev, Shahram G‘iyosov, Isroil Madrimov va Otabek Xolmatov o‘z vaznida yetakchi bo‘lib turibdi.

WBA reytingi:

Hasanboy Do‘stmatov - (minimal vazn) 2-o‘rin;

Murodjon Ahmadaliyev (birinchi yarim yengil vazn) 1-o‘rin (o‘tgan oydagi reytingda 2-o‘rinda edi);

Otabek Xolmatov (yarim yengil vazn) - 1-o‘rin;

Botir Ahmedov (super yengil vazn) - 7-o‘rin (o‘tgan oyda 6-o‘rinda edi);

Shahram G‘iyosov (yarim o‘rta vazn) - 1-o‘rin (o‘tgan oyda 2-o‘rinda edi);

Isroil Madrimov (super yarim o‘rta vazn) - 1-o‘rin;

Bektemir Meliqo‘ziyev (super o‘rta vazn) - 6-o‘rin (o‘tgan oyda 7-o‘rinda edi).

Eslatib o‘tamiz, avvalroq yarim yengil vaznda Otabek Xolmatov WBA kamari uchun jang qilishi xabar qilingandi. U chempionlik jangini amerikalik Raymond Fordga qarshi o‘tkazadi.