Yangilangan FIFA reytingida O‘zbekiston nechanchi o‘rinda?
Sport
−
20 dekabr 2022 8072
Qatar mezbonlik qilgan Jahon chempionati bahslari yakunlangach, xalqaro futbol federatsiyasi (FIFA) terma jamoalarning yangi reytingini e’lon qildi. E’tiborlisi, reytingda JCH-2022 bilan erta xayrlashgan Braziliya terma jamoasi hamon yetakchilik qilmoqda.
Qatar mundiali finalida Fransiyani mag‘lub etib, chempionga aylangan Argentina esa FIFA reytingida bir pog‘ona yuqorilab, 2-o‘rindan joy oldi. Fransiya esa kuchli uchlikni yakunlab berdi. JCH-2022 kashfiyotiga aylangan Marokash terma jamoasi reytingda 11 pog‘ona yuqorilab, 11-o‘rinni egalladi.
Ma’lumot o‘rnida, O‘zbekiston jadvalda 77-pog‘onada bormoqda. Osiyo jamoalari orasidan eng yaxshi natijani Yaponiya ko‘rsatdi. Kunchiqar yurt terma jamoasi 20-pog‘onani band etdi.
Live
Barchasi
