Vodiydagi shaharlararo yo‘lovchi poyezdlari yagona tarifga o‘tkazildi
Jamiyat
−
11 aprel 4827
Farg‘ona, Andijon va Namangan viloyatlari bo‘ylab harakatlanuvchi shaharlararo yo‘lovchi poyezdlari yagona tarifga o‘tkazildi. Bu haqda “O‘ztemiryo‘lyo‘lovchi” AJ matbuot xizmati xabar berdi.
Ma’lum qilinishicha, kecha, 10 aprel sanasidan shaharlararo yo‘lovchi poyezdlar yo‘nalishlariga yagona tarif (faqat bir zona)ga o‘tkazilgan. Bunda yo‘lovchilar avvalgidek har bir zona uchun alohida narxda emas, balki yo‘nalishga qarab, zonalarga bo‘linmagan holatda to‘lovni amalga oshiradi.
Shuningdek, ushbu yo‘nalishlarida harakatlanuvchi barcha shaharlararo yo‘lovchi poyezdlari yo‘lovchilari elektron to‘lov tizimi (ATTO) orqali to‘lovni amalga oshirishi mumkin.
Masalan, "Qo‘qon — Namangan — Andijon" yo‘nalishi yagona tarif narxi 15 000 so‘m. Lekin(ATTO) elektron to‘lov tizimi orqali to‘lovni amalga oshirmoqchi bo‘lgan yo‘lovchilar naqd pulda amalga oshiriladigan to‘lovdan farqli ravishda 500 so‘m miqdorda kam pul to‘laydi.
Eslatib o‘tamiz, 20 martdan boshlab Toshkent shahri va Toshkent viloyatida shaharlararo yo‘lovchi poyezdlari yagona tarif (faqat bir zona)ga o‘tkazilgandi.
Live
Barchasi
